Ehun urtetik gorako genomak

Gizakia beti dabil hilezkortasuna bilatzen, bizitzari aurre egiten, bera baino azkarragoa izan nahi du. Horregaitik, ehun urtetik gorako genomen bila dabil, ea ze demontre ote duten haien erraietan hainbat urte bizitzeko. Badirudi 80 urtetik gorako perfiletan ez dela genetikaren hainbeste eraginik ematen, baina 100 urtetik gorakoetan, aldiz, genetikak asko parte hartzen du. Halakoetan, burura etortzen zait otoitz moduko bat: gene horiek eduki ditzala, mesedez!